ყველაფერი, რაც აეროგრილის შესახებ უნდა იცოდეთ

აეროგრილი უნიკალური და ინოვაციური მოწყობილობაა, რომელსაც დღეს, 21-ე საუკუნეში, თითქმის ყველა ოჯახში შეხვდებით. სახლისთვის ნებისმიერი ტექნიკისა და აქსესუარის შეძენა დაკვირვებას და საჭიროებების განსაზღვრას მოითხოვს. ხშირად, დაუფიქრებელი და სპონტანური შენაძენის შემდეგ ვიაზრებთ, რომ სულ სხვანაირი ფუნქციებისა და რეჟიმების მქონე მოწყობილობა გვჭირდებოდა და არა ის, რომელიც უკვე შევიძინეთ. სწორედ ამიტომ, ამ ბლოგში აეროგრილებს დეტალურად გაგაცნობთ და თქვენთვის საუკეთესო ვარიანტის შეძენაში დაგეხმარებით.

აეროგრილის მუშაობის პრინციპი

აეროგრილი ტექნოლოგიის განვითარებასთან ერთად უფრო და უფრო შეცვლილი, დახვეწილი და გაუმჯობესებული სახით გვევლინება. თავდაპირველად მოწყობილობა სულ რამდენიმე ფუნქციისთვის იყო გათვალისწინებული, თუმცა ნელ-ნელა უნივერსალურ საოჯახო ტექნიკად იქცა. 

ჰოლანდიელმა ინჟინერმა, Fred Van der Weij-მა 2006 წელს ჰაერის საშრობი აპარატი გამოიგონა, რათა ხრაშუნა საჭმლის მომზადება მცირე რაოდენობის ზეთით ყოფილიყო შესაძლებელი. მოწყობილობის მუშაობის მთავარი პრინციპი ჰაერის სწრაფ ცირკულაციაზე იყო აგებული. მართალია, ფრედი 2022 წელს გარდაიცვალა სიმსივნით, თუმცა წლების განმავლობაში აეროგრილებზე მოთხოვნის ზრდამ და გაყიდვებმა, მის ოჯახს დიდი წარმატება და ფინანსური მოგება მოუტანა.

პირველი აეროგრილი, მრავალწლიანი ტესტირებისა და მცდელობის შემდეგ, ჰაერის საშრობი აპარატის გამოგონებიდან 4 წელში, 2010 წელს დამზადდა. პოპულარობა კი მას შემდეგ გაიზარდა, რაც მთავარი მარკეტინგული გზავნილი და დაპირება გაჟღერდა: „ხრაშუნა და შებრაწული საკვები 80%-ით ნაკლები ცხიმით“ 

რა განსხვავებაა აეროგრილსა და კონვექციურ ღუმელს შორის?

მიუხედავად იმისა, რომ აეროგრილი და კონვექციური ღუმელი ერთი პრინციპით მუშაობს, (ცხელი ჰაერის მძლავრი ცირკულაცია საკვების ჯანსაღად მოსამზადებლად), მათ შორის რამდენიმე ისეთი განსხვავებაა, რომელიც საბოლოოდ, სრულად განსხვავებულ შედეგს გვაძლევს.

• კონვექციური ღუმელი, როგორც წესი, ზომაში უფრო დიდია, საჭმლის მომზადებას კი შედარებით დიდხანს ანდომებს
• აეროგრილი გაცილებით სწრაფად ამზადებს საჭმელს, რადგან ცხელი ჰაერი უფრო ახლოდან უბერავს საკვებს. გარდა ამისა, ზეთის გამოყენება საერთოდ არ არის საჭირო ან სურვილის მიხედვით, - ძალიან მცირე რაოდენობით, რაც საშუალებას გვაძლევს ჯანსაღი საკვები სულ რამდენიმე წუთში მოვამზადოთ.

რა ღირს აეროგრილი და როგორ შევარჩიოთ ჩვენთვის საუკეთესო მოდელი

პირველ რიგში უნდა აღინიშნოს, რომ თავდაპირველად, როცა აეროგრილი გაყიდვაში ჩაეშვა, იმდენად ძვირი იყო, რომ ძალიან ცოტა ადამიანი ახერხებდა მსგავსი „ფუფუნებით“ ტკბობას. ახლა ცხადია, ეს გამოწვევა აღარ არის. არსებობს უამრავი ფორმის, ფუნქციის, რეჟიმის, მართვის პანელის მოწყობილობა, რომელიც რაც არ უნდა გასაკვირი იყოს, თქვენს ბიუჯეტსაც ერგება.

იმისთვის, რომ ჩვენს საჭიროებებზე მორგებული ტექნიკა ვიყიდოთ, წინასწარ უნდა განვსაზღვროთ, რისი კეთება გვინდა, ვიკვებებით ჯანსაღად თუ ნახევარფაბრიკატებით, მრავალფეროვანი რეცეპტების მოყვარული ადამიანი ვართ თუ რამდენიმე კერძის ერთგული.

სტანდარტულ აეროგრილებს, რომელთა ფასიც 80-დან 120 ლარამდე მერყეობს, მომხმარებლები ძირითადად ნახევარფაბრიკატების, ანუ წინასწარ გამზადებული და გაყინული საჭმლის სწრაფად მომზადებისთვის იყენებენ. მაგალითად, თუ კერძების მოსამზადებლად დრო არ გაქვთ და სამსახურიდან დაბრუნებულს, ვახშმის მომზადება 10 წუთში გინდათ, იდეალური გამოსავალია. თქვენ არ გჭირდებათ დამატებითი ფუნქციების მქონე აეროგრილი, ამიტომ შეგიძლიათ, თანხა დაზოგოთ და ტექნიკა თქვენი საჭიროებებიდან გამომდინარე გამოიყენოთ.

იმ შემთხვევაში, თუ ხშირად აცხობთ, გიყვართ სოციალურ ქსელში გაზიარებული რეცეპტებისთვის სხვადასხვა ვარიაცების მოფიქრება და მრავალფეროვანი მართვის პანელი გჭირდებათ, უმჯობესია, არჩევანი ორმაგი წვის, მულტიფუნქციურ აეროგრილზე შეაჩეროთ.

RAF აეროგრილი ორმაგი წვით R.5388 გამოირჩევა ტევადობით, ტემპერატურის რეგულირებადი კონტროლით და ადვილად საწმენდი დიზაინით. მისი მოცულობა 8 ლიტრია, რაც აბსოლუტურად საკმარისია, რათა მთლიანი ოჯახისთვის ნოყიერი სადილი/ვახშამი მომზადდეს. 

ნომინალური სიმძლავრე (1700W), ტემპერატურის კონტროლის შესაძლებლობა, გადახურებისგან დაცვა და მოცურების საწინააღმდეგო ფეხები მოწყობილობას უნიკალურს და კომფორტულად გამოსაყენებელს ხდის. ამ ტიპის აეროგრილების შეძენა 150-დან 250 ლარამდე შეგიძლიათ. 

რისი მომზადება შეიძლება მარტივად და ჯანსაღად?

• ქათამი ან ნებისმიერი სახის ხორცი, ბოსტნეულთან ერთად

გამოიღეთ ქათამი ან სხვა სახის ხორცი მაცივრიდან, დაამარინადეთ ლიმონის წვენსა და მცირეოდენ ზეთში, დაამატეთ მარილი გემოვნებით, ნიორი და დაღერღილი წიწაკა. გაასუფთავეთ ბულგარული წიწაკა, ბროკოლი ან ნებისმიერი ბოსტნეული, რომელიც სახლში მოგეპოვებათ, დაჭერით სასურველ ფორმებზე და მოათავსეთ აეროგრილში, 180°C-ზე 15-20 წუთის განმავლობაში. მომზადების შემდეგ მიხვდებით, რომ ჩვეულებრივ ღუმელში ქათმის მომზადებას მინ. 35 წუთი მოუნდებოდა, ასევე დიდი რაოდენობით ზეთი ან ცხიმი. ამ შემთხვევაში კი შეძლებთ, დანაყრდეთ გემრიელი სადილით, ზედმეტი კალორიების გარეშე.

• ბანანის პური ე.წ (Banana Bread)

ბანანის პური სოციალური ქსელების დამსახურებით, საკმაოდ პოპულარულ დესერტად იქცა, მისი მომზადება საოცრად მარტივია. მთავარი პრინციპი იმაში მდგომარეობს, რომ გამოსაცხობად ღუმელი არ გჭირდებათ.

გაფრცქვენით ბანანი და კარგად დაჭყლიტეთ, მოათავსეთ მიქსერის ჯამში და დაუმატეთ 2 ჭიქა ფქვილი, 110 გრ კარაქი, გამაფხვიერებელი, 1/2 ჩ/კ სოდა და მცირეოდენი დაჭრილი ნიგოზი სურვილისამებრ. ჩართეთ ორმაგი წვის აეროგრილი 180°C-ზე და დაელოდეთ 30 წუთის განმავლობაში. 20 წუთის გასვლის შემდეგ დარწმუნდით, რომ ორივე მხრიდან თანაბრად ცხვება.

როგორ მოვუაროთ აეროგრილს - რჩევები

• გამოყენების შემდეგ გაასუფთავეთ ნარჩენებისგან;
• არ დატოვოთ ზედაპირებზე მორჩენილი ცხიმი;
• აიღეთ რბილი ქსოვილის საწმენდი და რამდენჯერმე კარგად გაწმინდეთ ზედაპირი
• როცა ცხიმის გამოყენებას გადაწყვეტთ, უმჯობესია, პულივიზატორით შეასხუროთ საკვებს, ვიდრე პირდაპირ ჩაასხათ
• გამოიყენეთ საცხობი ქაღალდი, ასე დაზოგავთ ენერგიას და გრილიც, უფრო მარტივად გაიწმინდება