ხრიკები პატარა სააბაზანოს დიზაინისთვის - როგორ გავზარდოთ სივრცე ვიზუალურად?

თუ სველი წერტილისთვის პატარა სივრცე გაქვთ გამოყოფილი და ეძებთ იდეებს, რათა თქვენი სააბაზანო უფრო დიდი და ესთეტიკური გამოჩნდეს, ეს ბლოგი თქვენთვისაა. მართალია, შეზღუდული სივრცე, დამატებითი ავეჯი და თან ბიუჯეტური დაგეგმარება საქმეს კიდევ უფრო ართულებს, თუმცა ეს რჩევები პრობლემის სწრაფად და მარტივად გადაწყვეტაში დაგეხმარებათ.

• თუ პატარა სივრცე გაქვს, მნიშვნელოვანია ძირითად საკითხზე, - სწორი ავეჯის შერჩევაზე კონცენტრირდეთ. თუმცა, ეს არ ნიშნავს იმას, რომ სხვა დეტალები უგულვებელყოთ. მოდუსში, პროდუქციის ფართო ასორტიმენტი საშუალებას გაძლევთ, პატარა სააბაზანოსთვის იდეალური ავეჯი შეიძინოთ. იქნება ეს საშხაპე კაბინა, სარეცხის მანქანა, სარკე თუ კედლის დეკორატიული ფილები.
• სწორი ავეჯის გარდა, მნიშვნელოვანია განათებისა და თაღების სწორად შერჩევა. ასეთ დროს, სპეციალისტები მომხმარებლებს ღია ფერებისა და თხელი ფაქტურის გამოყენებას ურჩევენ. მართალია, ფერების არჩევა ძირითადად გემოვნების საკითხია, თუმცა არსებობს ხრიკები, რომლებიც მაინც უნდა გაითვალისწინოთ: ფილების ჰორიზონტალურად განლაგება - ეს თქვენს ფართობს სიგანეში გაზრდის, ვერტიკალურად განლაგება კი სიმაღლეს მისცემს გასაქანს. თეთრი, ნაცრისფერი ტონები და პასტელური ფერები დიდი სივრცის შთაბეჭდილებას ქმნიან. მნიშვნელოვანია, რომ დიზაინში მაქსიმუმ სამი ფერი გამოიყენოთ, რათა გარემო უფრო ჰარმონიული იყოს, ვიდრე გადატვირთული და ექსტრავაგანტული.
• არ გამოიყენოთ დიდი ზომის აქსესუარები და დეკორატიული ელემენტები პატარა სივრცეში.
• სახლში ყველას გვაქვს მოუხერხებელი ადგილი, ისეთი, სადაც ტანსაცმელი გვაქვს შეკუჭული ან რაიმე ნივთი - თუკი აბაზანაში ასეთი ადგილი გაქვთ, არავითარ შემთხვევაში არ დაკარგოთ ეს სივრცე - გამოიყენეთ კუთხის აბაზანა ან უნიტაზი და ეცადეთ,მაქსიმალურად აითვისოთ ყველა სანტიმეტრი. თუ მაგალითად, უნიტაზს კუთხეში განათავსებთ და ჭრილს მოარგებთ, ასე შეძლებთ, მეტი სივრცე დატოვოთ ტექნიკისთვის.
• თქვენი აბაზანის ინტერიერის მიხედვით შეარჩიეთ საშრობიც, რომელიც ვიზუალურად შეხამებული იქნება კედლის ფილებისა და ავეჯის ფერთან. მოდუსში გვაქვს როგორც ელექტრო, ასევე ცენტრალური გათბობის საშრობები.

ხშირად დასმული კითხვები:

• პატარა სააბაზანოს გაფართოება კარგი იდეაა?

სააბაზანოს გაფართოება შესაძლოა, კარგი იდეა იყოს, თუმცა ყოველთვის საჭირო არ არის. ჭკვიანური დაგეგმარებისა და სწორი დიზაინის, ავეჯისა და დეტალების შერჩევით, სივრცის მაქსიმალურად გამოყენება და ათვისება შეგიძლიათ.

• რომელი ფერებია საუკეთესო პატარა აბაზანისთვის?

ღია კედლები და მუქი ფერის იატაკი. თეთრი, ღია ნაცრისფერი და პასტელური ფერები პატარა სააბაზანოს უფრო ესთეტიკურს და დიდს წარმოაჩენს. თუ უფრო ექსტრავაგანტული დიზაინის მოყვარული ხართ, სცადეთ ერთი კედლის დატვირთვა, თუმცა დატოვეთ ოთახის სხვა ნაწილი ნეიტრალურ და სადა ფერში, რათა ბალანსი შეინარჩუნოთ.

• რა უნდა გავითვალისწინოთ დაგეგმარებისას?

გამოიყენეთ სარკეები, მოძრავი თაროები და ფილები ვერტიკალურ მდგომარეობაში, რაც დიდი სივრცის ილუზიას შექმნის.