როგორ შევქმნათ იდეალური სამუშაო სივრცე სახლში: რჩევები

საოფისე სივრცე ის ადგილია, სადაც ადამიანები დღის უმეტეს ნაწილს ატარებენ. პანდემიამ სამუშაო წესრიგი შეცვალა და უმრავლესობა ჰიბრიდულ მოდელზე გადავიდა. იმისთვის, რომ თქვენი სახლიდან მუშაობა ნაყოფიერი გამოდგეს, საჭიროა, ხარისხიანი ავეჯი შეიძინოთ და კომფორტული სივრცე მოაწყოთ, რათა მეტად კრეატიულები და პროდუქტიულები იყოთ ნებისმიერი ტიპის საქმიანობისთვის. ამისთვის, რამდენიმე რჩევას გიზიარებთ:

• დაუშვებელია, რომ ყოველდღიურად, რამდენიმე საათის განმავლობაში არაკომფორტულ სკამზე იჯდეთ. ეს ხელს შეუშლის არამხოლოდ თქვენს პროდუქტიულობას, არამედ თქვენს ჯანმრთელობასაც. ამიტომ დარწმუნდით, რომ თქვენი ინვესტიცია ხარისხიან საოფისე სავარძელზე დაიხარჯება.
• მაქსიმალურად აითვისეთ მაგიდის გარშემო არსებული სივრცე. ხშირად, შთამაგონებელი იდეები ელვის სისწრაფით მოდის და მალევე ქრება. იმისთვის, რომ სწრაფ-სწრაფად განახორციელოთ ჩანაფიქრები, სამუშაო დაფა გჭირდებათ. გააფორმეთ კედელი დაფითა და ნახატებით, რათა ოთახში გაჩერება სასიამოვნო და ჰარმონიული გახდეს.
• ეცადეთ, ოთახი თქვენთვის საყვარელი ფერებით, ხარისხიანი საღებავით შეღებოთ და 60:30:10-ის წესი გამოიყენოთ, რაც გულისხმობს, რომ ოთახში 60% ძირითადი ფერი უნდა იყოს, მაგ: კედლები. 30% მეორე ფერით დატვირთეთ, - იატაკით ან ავეჯით, 10%-ით კი აქცენტები გააკეთეთ, ეს შესაძლოა იყოს დეკორაციები ან ტექსტილი. საოცნებო დიზაინის შექმნაში Betek-ის საღებავები დაგეხმარებათ.
• სწორად შერჩეული განათება -  ლედ ნათურა ჩვეულებრივ ნათურასთან შესდარებით 85%-ით ნაკლებ ელექტრო ენერგიას მოიხმარს. ის ჩვეულებრივისგან განსხვავებით თითქმის არ ცხელდება, რაც მას შედარებით უსაფრთხოს და კომფორტულს ხდის. გარდა ამისა, შეგიძლიათ კედლები დეკორატიული განათებით მორთოთ, რაც სივრცეს მეტ ხიბლს შეძლებთ. არც მაგიდისთვის განკუთვნილი სანათი დაგავიწყდეთ.
• პერსონალური და ინოვაციური სათავსოები - განსხვავებული თაროების შექმნა შესაძლოა, რთულად გეჩვენოთ, განსაკუთრებით, თუ პატარა სივრცეა და ადგილის დაზოგვა გჭირდებათ. მოდუსში შეძლებთ შეიძინოთ როგორც დეკორატიული კედლის თაროები, ასევე უნივერსალური დასადგამი სათავსოებიც. გაითვალისწინეთ, რომ მაგიდაც ფუნქციური უნდა იყოს, რათა სხვადასხვა ნივთების შენახვის შესაძლებლობა გქონდეთ.