5 მთავარი შეცდომა სამღებრო სამუშაოებში და მათი თავიდან არიდების გზები

თუ სახლში სივრცის გახალისება გსურთ, ან აქტიურ სარემონტო პროცესში ხართ, აუცილებელია, სამღებრო სამუშაოებში 5 მთავარი შეცდომის შესახებ იცოდეთ, რომელიც უსიამოვნებების თავიდან არიდებაში დაგეხმარებათ.

1. არასწორი საღებავის შერჩევა

არასწორი საღებავის გამოყენებამ შესაძლოა, საქმე გაახანგრძლივოს და გაართულოს. ამიტომ უნდა იცოდეთ, რა ტიპის საღებავი იქნება სასურველი ზონისთვის საუკეთესო ვარიანტი. არსებობს როგორც ზეთოვანი, ასევე ემულსიური, სილიკონის და ვინილის საღებავები. 

• ზეთის შემცველი საღებავი კარგად ჯდება ხის ზედაპირებზე, ავეჯზე, კარ-ფანჯრებზე, თუმცა უფრო დიდხანს შრება. 
• ემულსიური საღებავით შეღებილი ზედაპირის გაწმენდა წყლით მარტივია, ამიტომ კარგი იქნება კედლებისა და ჭერის შესაღებად. 
• ვინილის საღებავები უმჯობესია ნესტიან ადგილებში გამოვიყენოთ, როგორიცაა სამზარეულო და სველი წერტილები.
• სილიკონის საღებავებს კი ის უპირატესობა აქვს, რომ კარგად ატარებს ორთქლს, არ აფერხებს კედლის სუნთქვას და მდგრადია

2. ზედაპირის არასათანადოდ მომზადება

სამღებრო სამუშაოები შორიდან მარტივი ჩანს, არადა, ბევრი პატარა დეტალია, რომელიც ეფექტური შედეგის მისაღებად უნდა გაითვალისწინოთ.

• გაასუფთავეთ სასურველი ზედაპირები მტვრისგან, ჭუჭყისგან და ცხიმისგან;
• შეავსეთ ნაპრალები და დაზიანებები (ასეთის არსებობის შემთხვევაში);
• დარწმუნდით, რომ ზედაპირი მშრალია

3. უხარისხო ინსტრუმენტების გამოყენება

შესაძლოა იფიქროთ, რომ ერთი ინსტრუმენტით ყველაფრის გაკეთება შეიძლება, თუმცა ასე არ არის. არასწორად შერჩეულმა ფუნჯებმა ან გორგოლაჭებმა შესაძლოა, ზედაპირები უხარისხოდ და არათანაბრად დაფაროს.

• გამოიყენეთ მაღალი ხარისხის ინსტრუმენტები
• სამუშაოს მიხედვით შეარჩიეთ სწორი ზომის და ფორმის ფუნჯები
• თუ საჭიროება მოითხოვს, გამოიყენეთ სამღებრო ლენტი

4. ფერის არასწორად შერჩევა

საკმაოდ რთულია, თავიდანვე განისაზღვროს, როგორ დაჯდება საღებავის ფერი კედელზე დატანის შემდეგ. ისეც ხდება, რომ უკვე შეღებილი ჩვენს სასურველ ფერთან ახლოსაც კი არაა. არადა, ფერები არამხოლოდ ოთახის ესთეტიკურ მხარეს წარმოაჩენს, არამედ სივრცობრივ აღქმაზეც ახდენს გავლენას.

• თავდაპირველად, შეიძინეთ საღებავის მცირე რაოდენობა, დატესტეთ, როგორც ნიმუში და დააკვირდით, გაშრობის შემდეგ როგორ გამოიყურება
• გაითვალისწინეთ, რომ ფერი შესაძლოა, განსხვავებულად გამოჩნდეს დღის სხვადასხვა მონაკვეთში, სხვადასხვა განათებისას
• განსაზღვრეთ და დატესტეთ, სასურველი ფერის მისაღებად ზედაპირს რამდენი ფენა დასჭირდება - ჰკითხეთ აზრი პროფესიონალს

5. მოთმინების ნაკლებობა

სარემონტო და სამღებრო სამუშაოები ისედაც გრძელვადიანია, შედეგით ტკბობის სურვილი კი იმდენად მძაფრი, რომ მოცდა რთულია, მაგრამ აუცილებელი.

• მიეცით საღებავს გაშრობისთვის საკმარისი დრო, განსაკუთრებით ფენებს შორის;
• წინასწარ დაგეგმეთ სამღებრო სამუშაოები ისე, რომ საკმარისი დრო გქონდეთ;
• არ იჩქაროთ ისე, რომ კუთხეები და რთულად მისადგომი ზონები შეუღებავი დარჩეს

საბოლოოდ კი, სამღებრო სამუშაოების წარმატებით დასრულება მოთმინებაზე, საღებავისა და ინსტრუმენტების შერჩევაზე და ზედაპირის სწორად დამუშავებაზეა დამოკიდებული. “მოდუსთან” ერთად, ეს რთული პროცესი უშეცდომოდ ჩაივლის და საოცარ გამოცდილებადაც გექცევათ.

#აშენემომავალიდღეს